Bu bölmə Azərbaycan Respublikasının əmək bazarını xarakterizə edən göstəriciləri özündə əks etdirir. Bölməyə ölkənin iqtisadiyyatını xarakterizə edən əhali və əmək ehtiyatları, iqtisadiyyatın fəaliyyət növləri üzrə məşğul olan əhalinin sayı, işçi qüvvəsinin hərəkəti, əmək şəraiti, əmək bazarında tələb və təkliflər, işsizliyin səviyyəsi, əmək haqqı, işçi qüvvəsinə çəkilən xərclərin dəyəri, kadrların peşə təhsili və iqtisadi fəal əhalinin digər göstəriciləri daxil edilmişdir.
Мəcmuədə 2000-2010-cu illərdə Azərbaycan Respublikasının əmək bazarının vəziyyəti haqqında statistik məlumatlar verilir.
Əmək üzrə göstəricilər həmçinin beynəlxalq standartlara uyğun qəbul edilmiş rəsmi statistikanın təkmilləşdirilməsinə dair Dövlət Proqramına müvafiq olaraq əks etdirilir. Proqramın icrası müasir tələblərə cavab verən statistik məlumatlarla ölkədaxili tələbatı ödəmək, həm də respublikanın üzv olduğu beynəlxalq təşkilatları ölkənin sosial-iqtisadi inkişafı barədə beynəlxalq standartlara uyğun hesablanmış göstəricilərlə təmin etmək üçün şərait yaratmışdır.
Əmək bazarı üzrə bəzi göstəricilər gələcəkdə dəqiqləşdirilə bilər.
|
