Statistik məcmuədə ətraf mühitin vəziyyətini, təbii resursların mövcudluğunu və onlardan istifadəni səciyyələndirən informasiya verilmişdir. Məcmuədə atmosfer havasının, su obyektlərinin, torpaq və meşə resurslarının qorunması, qoruq işi, toksiki tullantıların mövcudluğu və onlardan istifadə edilməsi, ayrı-ayrı faydalı qazıntıların hasilatı, ətraf mühitin qorunmasına çəkilən xərclər haqqında məlumatlar dərc olunmuşdur. Həmçinin əhali haqqında məlumatlar göstərilmişdir.
Nəşr edilmiş informasiya Azərbaycan Respublikası Dövlət Statistika Komitəsinin rəsmi statistika məlumatlarına, eləcə də fəaliyyəti təbiətdən istifadə, ekoloji nəzarət və ətraf mühitin qorunması ilə əlaqədar olan digər nazirlik və baş idarələrin məlumatlarına əsaslanır.
Bəzi məlumatlar ölkənin iqtisadi rayonları üzrə göstərilmişdir.
