1995, 2000-2006-cı illərdə Azərbaycan Respublikasında təhsilin, elmin, mədəniyyətin vəziyyətini və inkişaf səviyyəsini əks etdirən əsas göstəricilər verilmişdir. “Təhsil” bölməsində məktəbəqədər müəssisələr, uşaqlara əlavə təhsil verən tədris müəssisələri, ümumtəhsil, peşə, orta ixtisas və ali məktəblər haqqında tam məlumatlar dərc olunub. “Elm” bölməsində elmi-tədqiqat və işləmələri yerinə yetirən müəssisələrin, işçilərin sayı və tərkibi, elmi kadrların hazırlanması, yerinə yetirilmiş elmi-texniki işlərin həcmi, tədqiqat və işləmələrə çəkilən xərclər, tədqiqat və işləmələrdə istifadə olunan əsas vəsaitlər haqqında məlumatlar daxil edilmişdir. Məlumatlar sektorlar, müəssisələrin növləri və elmin sahələri üzrə verilmişdir. “Mədəniyyət” bölməsində kütləvi kitabxanalar, klub müəssisələri, muzeylər, teatrlar, konsert təşkilatları, kinoteatrlar, sirk, zoopark, mədəniyyət və istirahət parkları haqqında məlumatlar göstərilmişdir. Bütün məlumatlar ilin əvvəlnə verilmişdir. Bütün bölmələrdə əsas göstəricilər Azərbaycan Respublikasının iqtisadi rayonları üzrə əks etdirilir. Əhali ilə bağlı məlumatlar Yuxarı Qarabağda yalnız azərbaycanlılar üzrədir. Məcmuə iqtisadçılar, statistiklər, elmi işçilər və digər istifadəçilər üçün nəzərdə tutulmuşdur. Şərti işarələrin izahı: … məlumatlar işlənilməmişdir - məlumatlar yoxdur 0,0 məlumatlar vahiddən kiçikdir