Statistik nəşrlərin kataloqu
AZƏRBAYCANIN  STATİSTİK  GÖSTƏRİCİLƏRİ
Bu məcmuə ölkənin iqtisadi və sosial həyatında baş verən prosesləri əks etdirən daha dolğun illik nəşridir.
Məcmuə dövlət statistika orqanları tərəfindən müəssisələrdən, təşkilatlardan alınan məlumatlar, siyahıyaalmaların, seçmə müayinələrin və digər statistik müşahidələrin keçirilməsi yolu ilə əldə edilən məlumatlar, Azərbaycan Respublikasının nazirlik və baş idarələrinin (Maliyyə Nazirliyi, Daxili İşlər Nazirliyi, Dövlət Gömrük Komitəsi, Milli Bank və s.) məlumatları, eləcə də iqtisadi və müəyyən sosial məlumatlar toplamaq üçün müayinə, sorğu keçirən təşkilatlardan alınan informasiya və beynəlxalq təşkilatların materialları əsasında Azərbaycan Respublikası Dövlət Statistika Komitəsi tərəfindən hazırlanmışdır.
Məcmuədə 1995-2008-ci illərdə Azərbaycan Respublikasının sosial-iqtisadi vəziyyəti haqqında statistik məlumatlar 2000, 2005, 2006-cı və 2007-ci illərlə müqayisələr verilir.Məcmuədə mülkiyyət münasibətlərinin və təsərrüfatçılıq formalarının inkişafı, maliyyə vəziyyəti və bələdiyyə, sığorta, tədiyə balansı, sosial və mənzil fondunun özəlləşdirilməsi haqqında məlumatlar, Azərbaycan Respublikasının şəhər və rayonları üzrə əsas sosial-iqtisadi göstəricilər, MDB ölkələri üzrə və beynəlxalq müqayisələr verilmişdir.
İllik statistik məcmuə geniş oxucu kütləsi, statistiklər, iqtisadçılar və idarəetmə orqanları işçiləri üçün nəzərdə tutulmuşdur.
Məcmuənin nəşr edilmə müddəti – cari ilin avqust ayı.
Qiyməti – 40 manat, CD-ROM-la birlikdə - 50 manat.
AZƏRBAYCAN  RƏQƏMLƏRDƏ
Qısa statistik məcmuə 2008-ci ilin ilkin məlumatları əsasında dərc olunur və ölkənin sosial-iqtisadi inkişafını xarakterizə edir.
Məcmuənin nəşr edilmə müddəti – cari ilin aprel ayı.
Qiyməti – 16 manat.

AZƏRBAYCANIN  REGİONLARI
Məcmuə 2000-2008-ci illərdə respublikanın regionlarının sosial-iqtisadi inkişafını əks etdirir.
Məcmuənin nəşr edilmə müddəti – cari ilin oktyabr ayı.
Qiyməti – 40 manat

AZƏRBAYCANIN  DEMOQRAFİK  GÖSTƏRİCİLƏRİ
Statistik məcmuə respublikadakı demoqrafik prosesləri xarakterizə edir.
Hazırki statistik məcmuə inzibati ərazi bölgüsü, əhalinin sayı və tərkibi, əhalinin təkrar istehsalının ümumi göstəriciləri, nikah və boşanma, doğum, ölüm, səbəblər üzrə ölüm, miqrasiya və beynəlxalq müqayisələr adlı bölmələrdən ibarətdir.
Məcmuənin “İnzibati ərazi bölgüsü, əhalinin sayı və tərkibi” bölməsində əhalinin sayına görə rayon və şəhər yerlərinin qruplaşması, Azərbaycanın regionlarının ərazisi və inzibati ərazi bölgüsü, əhalinin sayı və dəyişilməsi, cins və yaş qrupları üzrə bölgüsü, milli tərkibi, ana dili və danışdığı digər dillər, əhalinin savadlılıq və təhsil səviyyəsi haqqında məlumatları əks etdirilir.
“Əhalinin təkrar istehsalının ümumi göstəriciləri” bölməsində doğulanlar, ölənlər və əhalinin təbii artımı, şəhər və kənd əhalisi üzrə ümumi nəsilvermə əmsalı, doğulanda gözlənilən ömür uzunluğu, illər üzrə əhalinin təkrar istehsalının əmsalları haqqında məlumatlar cəmlənmişdir.
“Doğum” bölməsi ananın yaşına görə diri doğulanlar, doğumun yaş əmsalları, doğum ardıcıllığı üzrə diri doğulanların sayı, ananın yaşı və doğum ardıcıllığı üzrə qeydə alınmış və alınmamış nikahda olan qadınlar tərəfindən doğulan uşaqların sayı, doğum zamanı ananın orta yaşı, ananın nikah vəziyyətinə görə diri doğulanlar haqqında məlumatları əhatə edir.
“Ölüm” bölməsində cins və yaş qrupları, eləcə də şəhər və kənd əhalisi üzrə ölənlərin sayı, ölüm əmsalları, əmək qabiliyyətli yaşda ölənlərin sayı, 5 yaşadək uşaq ölümü və körpə ölümü haqqında məlumat verilmişdir.
“Səbəblər üzrə ölüm” bölməsində bütün əhali və 1 yaşa qədər uşaqlar arasında ölümün əsas səbəbləri, əsas ölüm səbəbləri üzrə əmək qabiliyyətli yaşda olan əhali arasında ölənlərin sayı, ölüm əmsalları haqqında informasiya şəhər və kənd yerləri üzrə verilmişdir.
“Nikah və boşanmalar” bölməsində nikah və boşanmaların sayı, ümumi əmsalları, nikaha daxil olanların orta yaşı, nikahın davametmə müddətinə və boşananların sayına görə boşanmalar, 18 yaşa qədər uşağı olan ailələrdə boşanmaların sayı, bəy və gəlinin yaşı üzrə nikahlar, ailələrin ailə üzvlərinin sayına görə qruplaşdırılması və uşaqların sayına görə bölgüsü haqqında məlumatlar verilmişdir.
“Miqrasiya” bölməsində əhalinin miqrasiyası, beynəlxalq miqrasiya, miqrantların cins və yaş qrupları üzrə bölgüsü verilmişdir.
“Beynəlxalq müqayisələr” bölməsi Dünya ölkələri üzrə bəzi demoqrafik göstəriciləri əhatə edir.
Məcmuənin nəşr edilmə müddəti – sentyabr ayında.
Qiyməti 24 manat.

AZƏRBAYCANDA  AİLƏLƏR
Statistik məcmuədə Azərbaycan Respublikasında ailələrin əsas xüsusiyyətlərini xarakterizə edən statistik informasiyalar toplanmışdır.
Hazırki məcmuə Azərbaycan Respublikasının yaranması, müstəqilliyini əldə etməsi, müxtəlif beynəlxalq qurumlara daxil olması, inzibati ərazi bölgüsü, coğrafi və əsas iqtisadi göstəriciləri barədə ümumi məlumatların qısa xülasəsi, ailələrin demoqrafik xüsusiyyətləri, sağlamlı-ğın qorunması, məşğulluq və işsizlik, əhalinin həyat səviyyəsi, əhalinin ev təsərrüfatlarının büdcəsi, mənzil şəraiti, təhsil və mədəniyyət, hüquqpozmalar haqqında məlumatları özündə əks etdirir.
“Ailələrin demoqrafik xüsusiyyətləri”bölməsində əhalinin cins və yaş qrupları və regionlar ürzrə sayı, ayrı-ayrı yaş qrupları üzrə hər 1000 kişiyə düşən qadınların sayı, ananın nikah vəziyyətinə görə diri doğulanlar, qeydə alınmamış nikahda olan qadınlar tərəfindən doğulan uşaqların sayı, regionlar üzrə nikah yaşında olan kişi və qadınların sayı, regionlar üzrə nəsilvermə yaşında olan qadınların sayı, doğum, ölüm, uşaq ölümü, gözlənilən ömür uzunluğü, nikahlar, boşanmalar, ailələrin sayı və tərkibi və s.;
“Sağlamlığın qorunması” bölməsində səhiyyənin, əhalinin xəstəliklər və yaş qrupları üzrə xəstələnməsi, hamilə, doğan və zahı qadınların sağlamlığı, abortların qadınların yaş qrupları üzrə bölgüsü, kontrasepsiya vasitələrindən istifadə, peyvəndlə əhatə olunmuş və fiziki cəhətdən qüsurlu olan uşaqlar, dövlət sanatoriyaları, istirahət və turizm müəssisələri, uşaqlar üçün internat müəssisələri və ölkənin iqtisadi rayonları üzrə verilən ünvanlı dövlət sosial yardımı və s.;
“Məşğulluq və işsizlik” ” bölməsində iqtisadi fəal əhalinin sayı, məşğul olan əhalinin, iqtisadi fəaliyyət növləri və mülkiyyət formaları üzrə bölgüsü və iqtisadi fəaliyyət növləri üzrə muzdla işləyənlərin orta illik sayı, iqtisadi fəaliyyət növləri üzrə muzdla işləyənlərin ümumi sayında qadınların xüsusi çəkisi və əhalinin dövlət məşğulluq xidməti orqanları tərəfindən işlə təmin edilməsi və s.;
“Əhalinin həyat səviyyəsi” ” bölməsində əhalinin pul gəlirləri və xərcləri, əhalidən cəlb olunmuş əmanətlər, iqtisadi fəaliyyət növləri üzrə orta aylıq nominal əmək haqqı, pensiyaçıların sayı və təyin olunmuş aylıq pensiyaların orta məbləği, əhaliyə dövlət tərəfindən verilən ayrı-ayrı yardımlar, müavinətlər və s.;
“Ev təsərrüfatlarının büdcəsi”” bölməsində ev təsərrüfatlarının sayı, ölçüsü, adambaşına pul gəlirləri və pul gəlirlərinin quruluşu, əhalinin istehlak xərcləri, əhalinin alıcılıq qabiliyyəti, şəhər və kənd yerləri üzrə gəlirlər və onun quruluşu, ev təsərrüfatlarının tipinə və ölçüsünə görə gəlirlərin quruluşu, ev təsərrüfatı başçısının cinsinə görə gəlirlər, şəhər və kənd yerləri üzrə ev təsərrüfatının adambaşına aylıq gəlirə görə bölgüsü, şəhər və kənd yerləri üzrə istehlak xərcləri və onun quruluşu, ev təsərrüfatı başçısının cinsinə görə istehlak xərclərinin quruluşu, ərzaq məhsullarının adambaşına istehlakı, istehlak olunmuş ərzaq məhsullarının kimyəvi tərkibi və kaloriliyi, ev təsərrüfatlarının yaşadığı mənzillərin ölçüsünə, otaqların sayına görə bölgüsü, ailə üzvlərinin sayına görə ev təsərrüfatlarının yaşadığı mənzillərin ölçüsü və mülkiyyət formasına görə bölgüsü, ev təsərrüfatlarının abadlıq şəraiti və təchizatı, yaşayış evlərinin tipinə görə ev təsərrüfatlarının mənzil şəraiti və ev təsərrüfatlarının üzvlərinin sağlamlıq vəziyyətinin xarakteristikası və s.;
“Əhalinin mənzil şəraiti” bölməsində mülkiyyət formaları üzrə yaşayış evlərinin istifadəyə verilməsi, mənzil fondu, yaşayış evlərinin sayı, mənzil fondunun özəlləşdirilməsi, əhalinin mənzil şəraitinin yaxşılaşdırılması, mənzil fondunun abadlığı, qaz, su və istilik enerjisi ilə təmin edilməsi, ev təsərrüfatlarının yaşadığı binanın növünə, mənsubiyyətinə, sahəsinə, yaşayış otaqlarının sayına və abadlığına görə bölgüsü və s.;
“Təhsil və mədəniyyət” ” bölməsində təhsilin əsas göstəriciləri, dövlət və qeyri-dövlət məktəbəqədər təhsil müəssisələri və gündüz ümumtəhsil məktəbləri, onlarda şagirdlərin sayı, dərslərin növbəliyi, dövlət və qeyri-dövlət orta ixtisas təhsil müəssisələri, ali məktəbləri, sağlamlıq imkanları məhdud olan uşaqlar üçün xüsusi məktəblər və internat məktəbləri, uşaq musiqi, incəsənət və rəssamlıq məktəbləri, kitabxanaları, klub müəssisələrində uşaq dərnəkləri və kollektivləri, teatrların və muzeylərin fəaliyyəti və s.;
“Hüquqpozmalar” bölməsində qeydə alınmış cinayətlər, cinayət törətmiş şəxslərin tərkibi, ayrı-ayrı kateqoriyalar tərəfindən törədilmiş və təhqiqatı bitmiş cinayətlər, 14-17 yaşlı uşaqların işləri üzrə müfəttişliklərdə qeydiyyatda olanlar, əsas cinayət növləri üzrə 14-17 yaşlı məhkumlar, cinayət törətmiş qadınlar və s.;
Məcmuənin nəşr edilmə müddəti – oktyabr ayında.
Qiyməti 26 manat.

AZƏRBAYCANDA  QADINLAR  VƏ  KİŞİLƏR
Gender statistikası – cəmiyyətdə cinslər üzrə məsələləri əks etdirən statistik məlumatlardır. Bu məlumatları toplayarkən qərar qəbul etmək səlahiyyətli vəzifələrdə və planlaşdırmada çalışanların, tədqiqatçıların, kütləvi informasiya vasitələrinin və oxucuların tələbatlarını nəzərə almaq üçün onlarla sıx əməkdaşlıq edilməsi tələb olunur. Məlumat istehlakçılarının bütün ehtiyaclarını nəzərə almaq üçün cəmiyyətdə gender məsələlərini və bu sahədə məqsədləri öyrənmək, müvafiq siyasətin aparılması və problemlərin dəyərləndirilməsi üçün uyğun göstəriciləri əldə etmək lazımdır.
Azərbaycan hökuməti Pekində keçirilmiş IV Ümumdünya qadınlar konfransının “Fəaliyyət platforması”nı qəbul etmiş və ona uyğun olaraq ölkədə gender statistikasının həyata keçirilməsini Dövlət Statistika Komitəsinə həvalə etmişdir. Fəaliyyət platformasında deyilir: “Milli statistika qurumları cəmiyyətdə qadın və kişilərin vəziyyəti ilə bağlı problem və məsələlərin cins və yaş üzrə bölgüsünü özündə əks etdirən statistik məlumatların toplanması, işlənməsi, təhlil və nəşr olunaraq yayılmasını yerinə yetirirlər” (“Fəaliyyət platforması”, maddə 206a, Pekin, 1995).
Məcmuədə əhalinin cinslər üzrə sayı, təbii hərəkəti və yaş tərkibi, şəhər və kənd əhalisi üzrə doğulanda gözlənilən ömür uzunluğu, nəsilvermə və ölüm əmsalları, ölümün əsas səbəbləri, ana və uşaq ölümü, nikah və boşanmalar, nikaha daxil olanların orta yaşı, qadınların nikah vəziyyəti və doğduğu uşaqların sayına və ailələrin uşaqların sayına görə bölgüsü, beynəlxalq miqrasiya, 15 və yuxarı yaşda olan miqrantların ailə vəziyyətinə, təhsilinə və cinsinə görə bölgüsü; siqaret çəkənlərin yaş qrupları üzrə bölgüsü, əhalinin ayrı-ayrı lokalizasiyalar üzrə bədxassəli şişlərlə, aktiv vərəm və dəri-zöhrəvi, narkoloji və psixi pozuntularla, alkoqolizm və alkoqol psixozla xəstələnmələri, hamilə qadınların xəstələnməsi, abortlar, kontrasepsiya vasitələrindən istifadə, kateqoriyalar üzrə həkimlər, cins və yaşlar üzrə əlilliyi müəyyənləşdirilmiş uşaqların sayı, əhalinin savadlıq səviyyəsi, şagirdlərin və tələbələrin təhsil növləri, ixtisas qrupları, dövlət və qeyri-dövlət təhsil müəssisələri üzrə cinsə görə bölgüsü, dövlət və qeyri-dövlət ali məktəblərdə professor-müəllim heyətinin, təhsil müəssisələrində çalışan rəhbər işçilərin və müəllimlərin, elm sahələri üzrə aspirantların, doktorantların yaş və cins qruplarına görə sayı, aspirant hazırlayan elmi rəhbərlərin alimlik dərəcəsi, elmin sahələri üzrə tədqiqatçıların, akademik və müxbir üzvlərin, elmlər namizədlərinin və elmlər doktorlarının sayı; məşğul və işsiz, fəaliyyət növləri üzrə muzdla çalışan, məşğulluq xidmətləri orqanlarında işsiz statusu alan şəxslər, onların təhsil səviyyəsi və yaş tərkibi, istehsalatda zərərçəkən, ölən, əlverişsiz əmək şəraitində çalışan, iqtisadi fəal və iqtisadi qeyri-fəal qadın və kişilər, əmək qabiliyyətli yaşda olan iqtisadi fəal əhali, məşğul əhalinin cins və yaş qrupları, təhsil səviyyəsi, nikah vəziyyəti, dövlət qulluğunun vəzifələrini və yardımçı vəzifələrini tutmuş işçilərin cins və yaş qrupuna görə bölgüsü, dövlət qulluqçularının orta aylıq nominal əmək haqqı, ev təsərrüfatı başçısının cinsinə görə gəlir və istehlak xərclərinin quruluşu, ərzaq məhsullarının istehlakı, gender faktoru nəzərə alınmaqla İnsan İnkişafı İndeksi, Qadınların səlahiyyətlərinin artırılması indeksi, pensiyaçıların sayı və pensiyaların orta aylıq məbləği; parlamentə seçilmiş qadın və kişilərin sayı; cinayət növləri üzrə cinayət törətmişlərin, törətdiyi cinayətə görə məhkum olunmuşların cinsə görə bölgüsü; Azərbaycanda qadınların və kişilərin vəziyyətini xarakterizə edən göstəricilərin bir sıra xarici ölkələrin göstəriciləri ilə müqayisəsi və s. haqqında məlumatlar verilmişdir.
Məcmuənin nəşr edilmə müddəti – ilin iyul ayı.
Qiyməti 14 manat.

AZƏRBAYCANDA  UŞAQLAR
Məcmuədə 1990–2008-ci illərdə Azərbaycan Respublikasında uşaqların sosial vəziyyətini xarakterizə edən informasiyalar toplanmış və 7 bölmədə qruplaşdırılmışdır.
Məcmuənin “Demoqrafik göstəricilər” bölməsi əhalinin və uşaqların cins və yaş qrupları üzrə sayını, həyatın gözlənilən ömür uzunluğunu, doğulanlar, ölənlər, nikahlar, boşanmalar haqqında və digər əsas demoqrafik göstəriciləri əhatə edir.
“Məktəbəqədər tərbiyə müəssisələri. Təhsil” bölməsində təhsilin müxtəlif mərhələlərində təhsil prosesinin təmin edilməsini xarakterizə edən göstəricilər əks etdirilmişdir. Məktəbəqədər təhsil, məktəb və orta ixtisas təhsili, ali təhsil ardıcıl olaraq nəzərdən keçirilmişdir.
Mütləq göstəricilərlə yanaşı uşaqların məktəbəqədər təhsil müəssisələri ilə təminatı kimi nisbi göstəricilərdən də istifadə edilmişdir.
“Əhalinin yaşayışı üçün maddi şəraitlər” ” bölməsində ev təsərrüfatları haqqında ümumi məlumatlar, iqtisadiyyatda muzdla işləyənlər və işsiz uşaqların sayı haqqında məlumatlar verilmişdir. Burada həmçinin, uşaq teatrları, uşaq kütləvi kitabxanaları, uşaq dərnəkləri və kollektivləri, kinoseanslar haqqında məlumatlar da cəmlənmişdir.
“Müalicəvi - profilaktik yardımlar. Sosial təminat” yardımlar. Sosial təminat” bölməsində pediatr həkimlərin sayı, uşaq xəstəxanaları, poliklinikaları və sanatoriyaları, qadın məsləhətxa-naları, körpələr evləri, əqli və fiziki inkişafında qüsurları olan uşaqlar üçün internat məktəbləri, valideyn himayəsindən məhrum olan uşaqların yerləşdirilməsi, həmçinin qəyyumluğa və övladlığa götürülmüş uşaqlar, uşaqlara dövlət tərəfindən verilən yardımlar haqqında informasiyalar verilmişdir.
“Xəstəliklər və ölüm” bölməsində ayrı-ayrı xəstəlik növləri iki əsas göstərici ilə səciyyələndirilir: qeydə alınmış xəstəliklərin sayı və diaqnozu ilk dəfə qoyulmuş xəstələrin sayı, perinatal ölüm, 18 yaşadək əhali arasında ölənlərin sayı və ana ölümü haqqında məlumatlar da çox maraq doğurur.
“Yetkinlik yaşına çatmayanlar arasında cinayətkarlıq” bölməsində cinayət törətmiş və məhkum olunmuş uşaqlar haqqında məlumatlar verilmişdir.
“İqtisadi rayonlar üzrə məlumatlar” ” bölməsində yuxarıda qeyd olunan göstəricilərin bir qismi iqtisadi rayonlar üzrə verilmişdir.
Məcmuənin nəşr edilmə müddəti – avqust ayında.
Qiyməti 14 manat.

AZƏRBAYCANIN  MİLLİ  HESABLARI
Azərbaycanın Milli Hesabları statistik məcmuəsi 1993-cü ildən başlayaraq iki dildə -Azərbaycan və İngilis dillərində nəşr edilir, hazırki məcmuə 1995-ci ildən sonrakı dövrləri əhatə edir. Statistik məcmuə Azərbaycanda milli iqtisadiyyatın inkişafının nəticələrini xarakterizə edən makroiqtisadi göstəriciləri və beynəlxalq statistikanın tələblərinə uyğun qurulmuş toplu Milli Hesablar Sistemi və onun metodoloji əsaslarını özündə əks etdirir. Məcmuədə 1995-2008-ci illərdə MDB ölkələri üzrə ümumi daxili məhsul (milli valyuta və ABŞ dolları ilə); ÜDM-də qeyri-dövlət bölməsinin payı; Milli Hesablar Sisteminin əsas göstəricilərindən olan və istehsal, xərclər və gəlirlər üsulları ilə hesablanmış ümumi daxili məhsul, eləcə də iqtisadiyyatın sektorları (bölmələri) üzrə mal və xidmətlərin istehsalı, gəlirlərin yaranması və bölüşdürülməsi barədə məlumatlar öz əksini tapmışdır. Məcmuə bütövlükdə ölkə iqtisadiyyatı və onun ayrı-ayrı sahələri və bölmələri üzrə 1995-2008-ci illər üçün hesablanmış - məhsul və xidmətlərin ümumi buraxılışı, son istehlak xərcləri, fərdi istehlak xərcləri, əsas fondların ümumi yığımı, ümumi və xalis mənfəət (qarışıq gəlirlər), mülkiyyətdən alınmış və verilmiş gəlirlər, ilkin gəlirlərin bölüşdürülməsi, sərəncamda qalan ümumi gəlir, ümumi qənaət, xalis kredit və borclar, “Qalan dünya” sektoru ilə aparılan əməliyyatlar, ölkə əhalisinin gəlirlər və xərcləri barədə məlumatları əhatə edir.
Məcmuənin nəşr edilmə müddəti ilin ikinci yarısı.
Qiyməti – 24 manat

AZƏRBAYCANIN   SƏNAYESİ
“Azərbaycanın sənayesi” statistika məcmuəsinə əsasən 2000-2008-ci illərdə Azərbaycan Respublikası sənayesinin işini xarakterizə edən əsas statistik məlumatlar daxil edilmişdir. Məcmuədə sənaye sektoru - “mədənçıxarma sənayesi”, “emal sənayesi” və “elektrik enerjisi, qaz və suyun istehsalı və bölüşdürülməsi” kimi fəaliyyət növləri və bu sahələr üzrə əsas göstəricilər əhatə olunur. Sənayenin ölkə iqtisadiyyatında yeri, istehsal edilmiş məhsulun həcmi, məhsul istehsalına çəkilən xərclər, əsas fondlar, sənayedə çalışan işçilərin sayı və onların orta aylıq əmək haqqı, regionlar üzrə sənayenin əsas göstəriciləri, natura ifadəsində məhsul istehsalı və digər əsas göstəricilər üzrə statistik məlumatlar əks olunur. Bundan əlavə, məcmuəyə Azərbaycan sənayesinin MDB ölkələrinin sənayesi ilə müqayisə etmək imkanını verən müxtəlif cədvəllər daxil edilir.
Məcmuə üç dildə - azərbaycan, ingilis və rus dillərində tərtib olunur.
Məcmuənin nəşr olunması – 2009-cu ilin ikinci yarısı.
Qiyməti – 24 manat

AZƏRBAYCANIN  KƏND  TƏSƏRRÜFATI
“Azərbaycanın kənd təsərrüfatı” statistik məcmuəsi uzun bir dövrü əhatə edir və bir sıra mühüm göstəricilər üzrə məlumatların dinamikası verilir. Məcmuə əhali və ərazi, suvarılan torpaqlar, məşğul olan əhalinin, ümumi daxili məhsulun, kapital qoyuluşlarının və s. iqtisadiyyat sahələri üzrə bölgüsü, kənd təsərrüfatının ümumi məhsulu, əsas kənd təsərrüfat bitkilərinin əkin sahəsi, məhsul istehsalı və məhsuldarlığı, mal-qara və quşların sayı, əsas heyvandarlıq məhsullarının istehsalı, kənd təsərrüfatı müəssisələrinin satdıqları məhsulların qiyməti və s. barədə məlumatları əhatə edir.
Məcmuədə ölkə üzrə məlumatlarla yanaşı bitkiçiliyə və heyvandarlığa dair əsas məlumatlar rayonlar üzrə də verilir.
Bundan başqa məcmuəyə MDB ölkələri üzrə bəzi məlumatlar da daxil edilib.
Məcmuənin nəşr edilmə müddəti – cari ilin II yarısı.
Qiyməti – 24 manat.

KƏND  TƏSƏRRÜFATI  MÜƏSSİSƏLƏRİNİN  VƏ  FƏRDİ  SAHİBKARLARIN  ƏSAS  İQTİSADİ  GÖSTƏRİCİLƏRİ
“Kənd təsərrüfatı müəssisələrinin və fərdi sahibkarların əsas iqtisadi göstəriciləri” məcmuəsi 1998-2008-ci illəri əhatə etməklə kənd təsərrüfatı müəssisələrinin və fərdi sahibkarların məlumatları əsasında hazırlanmışdır. Məcmuədə ümumi torpaq sahəsi, kənd təsərrüfatına yararlı torpaq sahəsi, ümumi gəlir, müəssisələrin ümumi sayı, onlarda çalışan işçilərin orta illik sayı, əmək məhsuldarlığı, traktorların və əsas fondların mövcudluğu, enerji gücü və s. barədə məlumatlar verilir.
Məcmuəyə eyni zamanda ayrı-ayrı məhsul növləri üzrə maya dəyəri, satış qiyməti, əmək məsarifi, rentabellik səviyyəsi, istehsala çəkilən xərclərin strukturu və sairə göstəricilər barədə məlumatlar da daxil edilmişdir.
Məcmuənin nəşr edilmə müddəti- cari ilin avqust ayı
Qiyməti- 24 manat.

AZƏRBAYCANIN   MEŞƏÇILIK  BALIQÇILIQ  VƏ  OVÇULUQ  TƏSƏRRÜFATLARI
“Azərbaycanın meşəçilik, balıqçılıq və ovçuluq təsərrüfatları” statistik məcmuə əsasən 2001-2008-ci illərdə olan dövrü əhatə edir və bir sıra göstəricilər üzrə məlumatların dinamikası verilir.
Məcmuə meşəçilik, balıqçılıq və ovçuluq təsərrüfatlarının ümumi məhsulu, əsas istehsal fondlarının maya dəyəri, təbiətin mühafizəsinə çəkilən xərclər, dövlət əhəmiyyətli meşələrdə meşə bərpası, vətəgələrdə balıq körpələrinin təbii su hövzələrinə və anbarlarına buraxılması, kvota üzrə ovlanmış balıq, ov quşlarının, dırnaqlıların və xəzli heyvanların baş sayı və sairə barədə məlumatları əhatə edir.
Məcmuənin nəşr edilmə müddəti- cari ilin iyul ayı
Qiyməti – 15 manat.

AZƏRBAYCANDA  TİKİNTİ
Statistik məcmuəyə Azərbaycan Respublikasının 1990-2008-ci illərdə tikintinin işini xarakterizə edən statistik göstəricilər daxil edilmişdir. Mühüm istehsal təyinatlı güclərin istifadəyə verilməsi, əsas fondlar, əsas kapitala investisiyalar, əsas kapitala yönəldilmiş investisiyanın texnoloji quruluşu, tikinti-quraşdırma işlərində investisiyadan istifadə, mülkiyyət formaları üzrə investisiyadan istifadə, iqtisadiyyatın fəaliyyətdə olan sahələri üzrə investisiyadan istifadə edilməsi, əsas kapitala yönəldilmiş xarici və daxili investisiyalar, xarici ölkələr üzrə xarici investisiyalar, ölkənin iqtisadi zonaları üzrə tikintinin əsas göstəriciləri, iqtisadiyyatın sahələri üzrə əsas kapitala yönəldilmiş xarici investisiya, neft və qeyri-neft sektoruna yönəldilmiş investisiyaların dinamikası, ölkənin iqtisadi zonaları üzrə iri və orta müəssisələr və kiçik sahibkarlıq subyekti sayılan müəssisələr tərəfindən əsas kapitala yönəldilmiş investisiyalar, sosial-mədəni obyektlərin istifadəyə verilməsi, tikinti işlərinin həcmi, tikintidə çalışan işçilərin sayı və onların orta aylıq əmək haqqı, məhsul istehsalına çəkilən xərclər, əsas növ tikinti materialları, məmulat və konstruksiyaların respublika üzrə orta istehsalçı və pərakəndə satış qiymətləri, əhalinin mənzil şəraiti, bütün mənzil fondu, mənzil fondunun özəlləşdirilməsi, mənzil şəraitinin yaxşılaşdırılması və digər əsas göstəricilər haqqında məlumat verilmişdir. Bundan əlavə məcmuəyə Azərbaycanın tikintisini MDB ölkələri ilə müqayisə etmək imkanı verən müxtəlif cədvəllər daxil edilmişdir.
Məcmuənin nəşr edilmə vaxtı - cari ilin iyul ayı.
Qiyməti - 24 AZN manat.

AZƏRBAYCANIN  NƏQLİYYATI
“Azərbaycanın nəqliyyatı” statistika məcmuəsində ölkənin yol-nəqliyyat kompleksinin vəziyyətini xarakterizə edən əsas statistik məlumatlar, nəqliyyatın infrastrukturu, onun inkişaf dinamikası və əvvəlki illərlə müqayisəsi əhatə olunur. Məcmuədə ayrı-ayrı nəqliyyat növləri üzrə daşınmış yüklərin həcmi, yük dövriyyəsi, sərnişin daşınması, sərnişin dövriyyəsi, nəqliyyat fəaliyyətindən əldə olunmuş gəlir və daşımalara çəkilən xərclər, nəqliyyata yönəldilmiş investisiyalar, istifadəyə verilmiş əsas fondlar, nəqliyyat müəssisələrində çalışan işçilərin sayı və onların orta aylıq nominal əmək haqqı, ayrı-ayrı nəqliyyat növlərinin vəziyyətini xarakterizə edən digər məlumatlar əhatə olunur. Müqayisə etmək üçün bir sıra ölkələr, o cümlədən MDB üzrə məlumatlar, habelə nəqliyyat vasitələrinin ilkin qeydiyyatı, minik avtomobillərin markalarına görə bölgüsü, ölkənin regionları üzrə avtomobil nəqliyyatının işi və yollar haqqında məlumatlar əks etdirilmişdir. Məcmuə üç dildə - azərbaycan, ingilis və rus dillərində hazırlanır.
Nəşr olunma tarixi: 2009-ci il iyul ayı
Qiyməti - 24 manat

AZƏRBAYCANIN  RABİTƏSİ
“Azərbaycanın rabitəsi” statistika məcmuəsində ölkə rabitəsinin vəziyyətini xarakterizə edən əsas statistik məlumatlar verilir. Rabitənin infrastrukturu, inkişaf dinamikası və əvvəlki illərlə müqayisəsi məcmuədə əks olunur. Məcmuədə telefon rabitəsi, poçt rabitəsi, televiziya və radiorabitə, qeyri-dövlət sektorunun inkişafı, rabitə müəssisələrində çalışan işçilərin sayı və onların orta aylıq əmək haqqı, ölkənin regionları üzrə rabitənin vəziyyəti, əhalinin telefon təminatı haqqında habelə informasiya texnologiyaları üzrə məlumatlar əks olunmuşdur. Müqayisə etmək üçün bir sıra MDB ölkələri üzrə məlumatlar, habelə ölkənin regionları üzrə əsas göstəricilər verilir. Məcmuə üç dildə - azərbaycan, ingilis və rus dillərində hazırlanır.
Nəşr olunma tarixi: 2009-ci il iyul ayı
Qiyməti – 24 manat

AZƏRBAYCANDA  İNFORMASİYA  CƏMİYYƏTİ
İnformasiya və Kommunikasiya Texnologiyaları
Ölkədə informasiya cəmiyyətinin qurulması istiqamətində informasiyanın istehsalı, yayılması və istifadəsində texnologiyalarının tətbiqinin mövcud vəziyyətini xarakterizə edən statistika məlumatları “Azərbaycanda İnformasiya Cəmiyyəti” məcmuəsinin əsasını təşkil edir. Məcmuədə beynəlxalq standartlara uyğun əsas İKT göstəriciləri üzrə statistika müşahidələri vasitəsilə toplanmış məlumatlar, o cümlədən İKT-nin əsas infrastruktur göstəriciləri və onlara giriş imkanları, ev təsərrüfatlarında İKT sistemlərinin mövcudluğu və istifadə olunması, müəssisələr (biznes statistikası üzrə) üzrə əsas İKT göstəriciləri, İKT sektoru və İKT məhsullarının ticarəti üzrə əsas göstəricilər əks olunur. Statistika külliyatında ev təssərüfatlarında, müəssisələrdə son üç il ərzində informasiya və kommunikasiya texnologiyalarının (İKT) mövcudluğu və onlardan istifadə olunmasını, İKT sektoru üzrə əsas makro göstəricilər, habelə son yeddi il ərzində İKT məhsullarının idxal və ixracını xarakterizə edən əsas göstəricilər verilir. Məcmuə iki dildə - azərbaycan və ingilis dillərində hazırlanır.
Nəşr olunma tarixi: 2008-ci il iyul ayı
Qiyməti – 24 manat

AZƏRBAYCANDA  KİÇİK  SAHİBKARLIQ
Məcmuədə 2004-2008-ci illərdə kiçik sahibkarlıq subyektlərinin əsas makro göstəriciləri, onların regionlar və fəaliyyət növləri üzrə sayı, işçilərin sayı və əmək haqqı fondu, investisiya qoyuluşu, maliyyə göstəriciləri haqqında, habelə ölkənin regionları üzrə bir sıra məlumatlar əhatə olunur. Kiçik sahibkarlıq subyektlərinin fəaliyyəti, onların sahəvi və regional quruluşunu əks etdirən, habelə hüquqi şəxslərlə yanaşı kiçik sahibkarlıq subyekti hesab olunan fərdi sahibkarlar-fiziki şəxslərlə bağlı kompleks məlumatlar “Azərbaycanda kiçik sahibkarlıq” məcmuəsində öz əksini tapır.
Nəşr olunma tarixi: 2009-cu ilin ikinci yarısı
Qiyməti – 24 manat

AZƏRBAYCANIN  YANACAQ-ENERJİ  VƏ  MATERİAL E HTİYATLARI   BALANSI
Bu məcmuədə 2000-2008-ci illərdə yanacaq-enerji və material ehtiyatlarının əsas növləri üzrə balansı nəşr edilmişdir.
Yanacaq-enerji və material ehtiyatlarının balansı natura ifadəsində, şərti yanacaq, neft ekvivalenti və Coul əmsalları ilə hesablanmışdır.
Eyni zamanda məcmuədə işlənmiş neft emalı məhsulları, qara və əlvan metal qırıntı və tullantıları, təkrar xammal və tullantılar, ətraf mühitə atılan zərərli maddələr, qiymətli metallar, birjaların fəaliyyəti, dövlət büdcəsindən maliyyələşdirilən istehlakçıların istifadə etdikləri istilik və elektrik enerjisi, təbii qaz, su və rabitə xidmətləri haqqında məlumatlar və həmçinin ev təsərrüfatlarında yanacaq və enerji istehlakına dair müayinənin yekunları verilmişdir.
Məcmuə üç dildə - azərbaycan, ingilis və rus dillərində tərtib olunmuşdur.
Məcmuənin nəşr edilmə müddəti - cari ilin ikinci yarısı.
Qiyməti - 24 manat

TİCARƏT  VƏ  XİDMƏT
Statistik məcmuədə 2004-2008-ci illərdə ticarət və xidmət sahələrinin iqtisadi inkişafını xarakterizə edən əsas statistik göstəricilər əks olunmuşdur.
Məcmuə pərakəndə, iaşə və topdansatış əmtəə dövriyyələrinin, əhaliyə göstərilən pullu xidmətlərin ərazi bölgələri, mülkiyyət formaları, əmtəə və xidmət növləri üzrə əsas göstəricilərini əhatə edir.
Statistik məcmuəyə ticarət və xidmət sahələrində ümumi buraxılış, aralıq istehlak, əlavə dəyərə dair məlumatlar da daxil edilmişdir.
Bu sahədə əsas fondların mövcudluğu və istifadəyə verilməsi, investisiyadan istifadə edilməsi, məşğul olan əhalinin sayı, bir işçiyə düşən orta aylıq nominal əmək haqqı, yeni açılmış iş yerlərinə dair məlumatlar, istehlak qiymətləri üzrə indekslər və sair göstəricilər öz əksini tapmışdır.
Məcmuənin nəşr edilmə müddəti – cari ilin avqust ayı.
Qiyməti - 24 manat.

AZƏRBAYCANIN  XARİCİ  TİCARƏTİ
Statistik məcmuəyə Azərbaycan Respublikasının 2004-2008-ci illərdə xarici ölkələrlə ticarət əlaqələrinə dair göstəriciləri daxil edilmişdir.
Xarici ticarət statistikasında məlumatların quruluşu əmtəələrin təsnifatının beynəlxalq harmonlaş-dırılmış sisteminə əsasən tərtib edilir. Məcmuəyə ölkələr, mal qrupları, əməliyyat növləri, mühüm mallar üzrə göstəricilər daxil edilmişdir.
Malların dəyəri ABŞ dolları ilə ifadə olunmuşdur, ABŞ dollarının orta məzənnəsi Milli Bankın rəsmi məlumatlarına əsaslanır.
Məcmuənin nəşr edilmə müddəti – cari ilin avqust ayı.
Qiyməti - 24 manat.

REGİONLARIN  SOSİAL-İQTİSADİ  İNKİŞAFI
“Regionların sosial-iqtisadi inkişafı” məcmuəsi azərbaycan dilində nəşr edilir. Məcmuədə regionların inkişafını əks etdirən məlumatlar öz əksini tapacaq.
Məcmuənin nəşr edilmə müddəti - hesabat dövründən sonrakı ayın 40-cı günü.
Qiyməti – 20 manat.

ƏMƏK  BAZARI
Statistik məcmuə Azərbaycan Respublikasının əmək bazarını xarakterizə edən göstəriciləri özündə əks etdirir. Məcmuəyə ölkənin iqtisadiyyatını xarakterizə edən əhali və əmək ehtiyatları, iqtisadiyyatın fəaliyyət növləri üzrə məşğul olan əhalinin sayı, işçi qüvvəsinin hərəkəti, əmək şəraiti, əmək bazarında tələb və təkliflər, işsizliyin səviyyəsi, əmək haqqı, işçi qüvvəsinə çəkilən xərclərin dəyəri, kadrların peşə təhsili və iqtisadi fəal əhalinin digər göstəriciləri daxil edilmişdir.
Мəcmuədə 2000-2008-ci illərdə Azərbaycan Respublikasının əmək bazarının vəziyyəti haqqında statistik məlumatlar verilir.
Əmək üzrə göstəricilər beynəlxalq standartlara uyğun qəbul edilmiş uçot və statistika sisteminə keçilməsi haqqında Dövlət Proqramına müvafiq olaraq əks etdirilir. Bu sistemin tətbiqi müasir tələblərə cavab verən statistik məlumatlarla ölkədaxili tələbatı ödəmək, həm də respublikanın üzv olduğu beynəlxalq təşkilatları ölkənin sosial-iqtisadi inkişafı barədə beynəlxalq standartlara uyğun hesablanmış göstəricilərlə təmin etmək üçün vacibdir.
Məcmuənin nəşr edilmə müddəti - cari ilin avqust ayı
Qiyməti – 20 manat

AZƏRBAYCANDA  QİYMƏTLƏR
“Azərbaycanda qiymətlər” statistik məcmuəsi 2002-ci ildən başlayaraq iki dildə - azərbaycan və ingilis dillərində nəşr edilir və 1996-ci ildən sonrakı dövrü əhatə edir.
İstehlak qiymətləri indeksi (IQI) – orta alıcılıq qabiliyyətli alıcının aldığı malların və istifadə etdiyi xidmətlərin qeydə alınmış məcmusunun dəyərinin ümumi dəyişməsini səciyyələndirən nisbi göstəricidir. Bu göstərici müəyyən dövr ərzində istehlak edilən malların və xidmətlərin dəyişməz qaldığı şəraitdə əhalinin istehlak xərclərinin ümumi məbləğinin dəyişməsini əks etdirir. IQI-istehlak sektorunda inflyasiyanın səviyyəsini xarakterizə edir və milli hesablar sisteminin göstəricilərinin müəyyənləşdirilməsində ümumi daxili məhsulun son istifadəsini ən mühüm komponentlərindən olan ev təsərrüfatlarının son istehlakına çəkilən xərclərin sabit qiymətlərdə hesablanmasında, eləcə də əhalinin gəlirlərinin və əmanətlərinin indeksləşdirilməsində istifadə olunur.
Qiymət haqqında ilkin məlumat bütün indekslərin hesablanmasının bazasıdır. Fərdi indekslərin istinad göstəriciləri məhz onun əsasında formalaşır.
İstehlak malları və əhaliyə göstərilən pullu xidmətlərin qiymət və tarifləri indeksinin hesablanması üçün informasiya bazası mağazaların, bazarların, ticarət və xidmət sferası müəssisələrinin məlumatları hesab olunur, yəni, qiymət və tariflərin qeydiyyatı malların satıldığı və xidmətlərin göstərildiyi yerdə aparılır.
Ticarət növlərindən asılı olmayaraq qiymətlərin qeydiyyatı və qiymət indekslərinin hesablanması hər ay aparılır.
Sənaye məhsulları istehsalçılarının qiymət indeksi (SQI) – baza sənaye müəssisələri və təşkilatlarının təmsilçi mallarının qiymət qeydiyyatı əsasında hesablanılır. Istehsalçı qiymətlərinin müşahidəsi respublikanın 401 sənaye müəssisələri və təşkilatları üzrə aparılır. Orta qiymət və indeksin hesablanması 597 təmsilçi mallar üzrə aparılır. Qeydiyyata cari ayda istehsal olunan və yüklənən məhsulların faktiki qiymətləri götürülür.
Kənd təsərrüfatı məhsullarının istehsalçı qiymətləri indeksi (KTQİ) – kənd təsərrüfatı müəssisələri, fermer təsərrüfatları və ev təsərrüfatları tərəfindən müxtəlif kanallar üzrə realizə edilən kənd təsərrüfatı məhsullarının qiymətlərinin səviyyəsi və dinamikasını xarakterizə edir. Kənd təsərrüfatı məhsullarının qiymətləri üzərində müşahidə kənd təsərrüfatı müəssisələri, kəndli (fermer) təsərrüfatları və ev təsərrüfatlarının seçmə şəbəkəsi üzrə həyata keçirilir.
Alınmış məlumatlar kənd təsərrüfatı məhsullarının realizə şərtlərinin dəyişməsinin təhlilində və kənd təsərrüfatı məhsulları istehsalçılarının gəlirlərinin dəyişməsində qiymətin rolunun aydınlaşmasında istifadə edilir.
Seçilmiş 54 rayon üzrə satılmış kənd təsərrüfatı məhsullarının istehsalçı qiymətlərinin müşahidəsi həyata keçirilir. Hesabat formaları hər bir rayon üzrə həm fermer, həm ev təsərrüfatları, həm də kənd təsərrüfatı müəssisələrindən alınır. Hesabat məlumatları proqrama daxil edildikdən sonra hər ay respublika üzrə kənd təsərrüfatı məhsulları istehsalçılarının satış qiymətinin toplu indeksi və satılmış kənd təsərrüfatı məhsullarının orta aylıq qiymətləri hesablanır.
Yükdaşıma tariflərinin məcmu indeksi – dəmir yolu, dəniz, hava, boru kəməri və avtomobil nəqliyyatı növlərinin yükdaşıma tariflərinin indeksləri əsasında müəyyən edilir. Bu göstəricidən nəqliyyat müəssisələrinin müxtəlif nəqliyyat növləri vasitəsilə yükdaşımalardan əldə etdikləri gəlirlərdəki qiymət (tarif) amilinin xarakterizə edilməsi üçün istifadə edilir. Yükdaşıma tarifləri indeksləri müxtəlif əlamətlərə - yükün növünə, göndərmənin ölçüsünə, çatdırma vaxtına, daşınma məsafəsinə, daşınma ərazisinə, hərəkət edən tərkibin növünə, yükqaldırma səviyyəsinə və s. görə daşınan yüklərin strukturundakı dəyişmələri nəzərə almadan hesabat dövrü üzrə onların dəyişmələrini müəyyən etməyə imkan verir. Yükdaşıma tariflərinin məcmu indeksinin hesablanması hər ay aparılır.
Məcmuənin nəşr edilmə müddəti – ilin I yarısı.
Qiyməti – 20 manat.

AZƏRBAYCANDA  TƏHSİL,  ELM  VƏ  MƏDƏNİYYƏT
Statistik məcmuədə Azərbaycan Respublikasında 2000-2008-ci illərdə təhsil, elm və mədəniyyətin vəziyyəti haqqında məlumatlar əks olunacaq.
Təhsil bölməsində məktəbəqədər təhsil müəssisələri, uşaqlara əlavə təhsil verən tədris müəssisələri, ümumtəhsil, peşə, orta ixtisas və ali məktəblər haqqında məlumatlar veriləcək. Elm bölməsində isə elmi-tədqiqat və işləmələri yerinə yetirən müəssisələrin, işçilərin sayı və tərkibi, elmi kadrların hazırlanması, yerinə yetirilmiş elmi-texniki işlərin həcmi, tədqiqat və işləmələrə çəkilən xərclər, tədqiqat və işləmələrdə istifadə olunan əsas vəsaitlər haqqında məlumatlar daxil ediləcək. Mədəniyyət bölməsində kütləvi kitabxanalar, klub müəssisələri, muzeylər, teatrlar, konsert təşkilatları, kinoteatrlar, sirk, zoopark, mədəniyyət və istirahət parkları haqqında məlumatlar göstəriləcək.
Bundan başqa məcmuədə regionlar üzrə məlumatlar əks etdiriləcək.
Məcmuə üç dildə - azərbaycan, ingilis və rus dillərində tərtib olunacaq.
Məcmuənin nəşr müddəti – cari ilin avqust ayı.
Qiyməti – 24 manat.

AZƏRBAYCANDA  ƏTRAF  MÜHİT
Statistik məcmuədə Azərbaycan Respublikasında ətraf mühitin vəziyyətini, təbii resursların mövcudluğunu və onlardan isifadəni səciyyələndirən informasiya veriləcək. Məcmuədə atmosfer havasının, su, torpaq və meşə resurslarının qorunması, qoruq və milli parkların fəaliyyəti, təhlükəli tullantıların mövcudluğu və onlardan istifadə edilməsi, ayrı-ayrı faydalı qazıntıların hasilatı, ətraf mühitin qorunmasına çəkilən xərclər haqqında məlumatlar göstəriləcək.
Məcmuədə bəzi məlumatlar ölkənin iqtisadi rayonları üzrə veriləcək. Məcmuə üç dildə-azərbaycan, ingilis və rus dillərində hazırlanır.
Məcmuənin nəşr müddəti - cari ilin sentyabr ayı.
Qiyməti - 24 manat.

AZƏRBAYCANDA  SƏHİYYƏ
Statistik məcmuədə Azərbaycan Respublikasında müalicə-profilaktika müəssisələrinin şəbəkəsi, əhalinin xəstəlik sinifləri üzrə xəstələnməsi və ayrı-ayrı xəstəliklərin lokalizasiyalar üzrə bölgüsü, doğum, abort, sanatoriyalar, pansionatlar və istirahət evləri, bədən tərbiyyəsi və idmanın inkişafı haqqında məlumatlar göstəriləcək. Məcmuədə verilmiş bəzi məlumatlar ölkənin iqtisadi rayonları üzrə veriləcək. Məcmuə üç dildə - azərbaycan, ingilis və rus dillərində hazırlanır.
Məcmuənin nəşr müddəti-cari ilin sentyabr ayı.
Qiyməti-24 manat.

AZƏRBAYCANDA  SOSİAL  TƏMİNAT
Statistik məcmuədə Azərbaycan Respublikasında pensiya təminatı, sosial müavinətlər, aztəminatlı ailələrə verilən ünvanlı dövlət sosial yardımı, ilkin əlillik, qocalar və əlillər üçün internat evlərinin fəaliyyəti haqqında məlumatlar veriləcək.
Məcmuədə verilmiş bəzi məlumatlar ölkənin iqtisadi rayonları və gender bölgüsü üzrə veriləcək. Məcmuə üç dildə-azərbaycan, ingilis və rus dillərində hazırlanır.
Məcmuənin nəşr müddəti-cari ilin avqust ayı.
Qiyməti-12 manat.

AZƏRBAYCANDA  TURIZM
Statistik məcmuədə 2003-2008-ci illərdə Azərbaycan Respublikasında turizm və mehmanxana və mehmanxana tipli müəssisələrin vəziyyətini və inkişafın səviyyəsini əks etdirən əsas göstəricilər verilmişdir.
Məcmuədə turizm fəaliyyəti ilə məşğul olan müəssisələrin, mehmanxana və mehmanxana tipli müəssisələrin sayı, onlarda çalışan işçilərin sayı, əldə etdiyi gəlir və turizm fəaliyyətinə çəkilən xərclər, ölkə daxilində, ölkədən kənarda turizm yollayışı blanklarının sayı, dəyəri barədə məlumatlar daxil edilmişdir. Məlumatlar sektorlar və müəssisələrin mülkiyyət növləri üzrə verilmişdir. Əsas göstəricilər Azərbaycan Respublikasının iqtisadi rayonları üzrə əks etdirilir.
Məcmuəyə Azərbaycana gələn və gedən xarici ölkə vətəndaşlarının sayı haqqında məlumatlar daxil edilmişdir. Məcmuə geniş oxucu kütləsi, iqtisadçılar, statistiklər, elmi işçilər və digər istifadəçilər üçün nəzərdə tutulmuşdur.
Məcmuənin nəşr edilmə müddəti- cari ilin iyun ayı
Qiyməti – 24 manat

AZƏRBAYCANDA  CİNAYƏTKARLIQ  VƏ  HÜQUQPOZMALAR
“Azərbaycanda cinayətkarlıq və hüquqpozmalar” adlı statistik məcmuə ölkədə hüquqi statistikanın ümumiləşdirilmiş məlumatlarını özündə əks etdirəcək.
Statistik məcmuədə 2008-ci ildə Azərbaycan Respublikasının hüquq mühafizə sisteminin fəaliyyətinin nəticələrini ötən illərlə müqayisəli şəkildə xarakterizə edən əsas göstəricilər nəşr ediləcək.
Göstəricilər Azərbaycan Respublikası Daxili İşlər Nazirliyinin, Ədliyyə Nazirliyinin və Prokurorluq orqanlarının məlumatları əsasında işləniləcək.
Məcmuə qeydə alınmış cinayətləri, cinayət törətmiş şəxsləri, məhkum olunanları, prokurorluq orqanlarının işini, yol-nəqliyyat hadisələrini, baş vermiş yanğınları, narkotik maddələrlə bağlı, iqtisadi sahədə, 14-17 yaşlı uşaqlar arasında və Azərbaycan Respublikasının regionlarında cinayətkarlığı, eləcə də digər məlumatları xarakterizə edən bir sıra göstəriciləri 1995, 2000-2008-ci illər üzrə özündə cəmləyəcək.
Məcmuənin nəşr müddəti – cari ilin sentyabr ayı.
Qiyməti – 14 manat.

TƏSNİFATLAR *
İqtisadi Fəaliyyət Növləri Təsnifatı - Özündə bütün iqtisadi fəaliyyət növlərini cəmləşdirir. İstehsal fəaliyyəti və ya iqtisadi fəaliyyət müəyyən əmtəə və ya xidmətlərin istehsal edilməsinə kömək edən vasitələrin (avadanlığın, işçi qüvvəsinin, istehsal prosesinin, informasiya şəbəkəsinin, məhsul növlərinin) qarşılıqlı əlaqəsindən irəli gəlir. Fəaliyyət məhsul (əmtəə və xidmətlərin) məsrəfi, istehsal prosesi və məlumat istehsalı ilə xarakterizə olunur.
Məhsul Növləri Təsnifatı - MNT-nın təsnifləşdirmə obyekti məhsul və xidmətlər hesab edilir. MNT istehsal və istehlak olunan məhsulları, göstərilən və tələb olunan xidmətləri təsvir etmək üçün nəzərdə tutulmuşdur. MNT ABFT ilə birlikdə vahid kod sistemində birləşmiş vahid əşya təsnifatını yaradır.
Sənaye Məhsullarının Siyahısı (Prodcom) - Abreviatura PRODCOM Avropa Birliyinin hasiledici və yüngül sənaye məhsullarına aid olan statistik siyahını əks etdirir. Bu təsnifata xidmət sahəsi daxil edilmir. Burada söhbət ancaq sənaye məhsulları təsnifatından gedir. Qəbul olunmuş qərara müvafiq olaraq Avropa Birliyinə üzv dövlətlərdə istehsal və istifadə olunan məhsulların yeni statistikası bu təsnifata əsaslanır.
Xərclərin Məqsədlər Üzrə Təsnifatları – Özündə 4 təsnifatı əks etdirir.
Dövlət idarəetmə orqanlarının funksiyalarının təsnifatı - DİOFT-nın əsas tətbiq sahələrindən biri fərdi ev təsərrüfatlarının xeyrinə sərf edilən və 1993-cü ilin MHS-nə əsasən ev təsərrüfatlarının son istehlakının (və ya fərdi istehlakın) ümumiləşdirilmiş faktiki həcminin alınması üçün ŞİMT-nın 14-cü bölməsinə köçürülən istehlaka yönəldilmiş xərclərin müəyyənləşdirilməsidir. Bu təsnifatda belə xərcləri özündə birləşdirən bölmələr, qruplar və altqruplar dəqiq verilmişdir.
1. Ev təsərrüfatlarında şəxsi (fərdi) istehlak məqsədləri üçün istifadə edilən mal, məhsul və xidmətlərin təsnifatı - Ev təsərrüfatlarında şəxsi (fərdi) istehlak məqsədləri üçün istifadə edilən mal, məhsul və xidmətlərin təsnifatının işlənib hazırlanmasında əsas məqsəd Azərbaycan Respublikasının milli hesablar sistemi metodologiyasına və Avropa statistika komissiyasının ev təsərrüfatlarının büdcə tədqiqatlarının harmonizasiya edilməsi üzrə tövsiyələrinə (Avropa Statistika Bürosu, 1997) uyğun olaraq statistika məlumatlarının toplanması, işlənməsi və təqdim olunması üçün standartlar yaratmaqdan ibarətdir.
2. Ev təsərrüfatlarına xidmət göstərən qeyri-kommersiya təşkilatlarının məqsədlər üzrə təsnifatı - MHS-93-də ev təsərrüfatlarına xidmət göstərən qeyri-kommersiya təşkilatlarının bütün xərclərinin fərdi istehlaka aid edilməsi qəbul edilmişdir. Təsnifatın əsas məqsədi MHS-1993-ə (bax. bölmə 35 və 36, yuxarı) əsasən ev təsərrüfatlarının faktiki son istehlakı (və ya faktiki fərdi istehlakı) üzrə iriləşdirilmiş məlumatlar almaq üçün, ev təsərrüfatlarına xidmət göstərən qeyri-kommersiya təşkilatlarının xərclərini və ev təsərrüfatlarının fərdi istehlakı və dövlət idarəetmə orqanlarının məqsədli xərclərinə müvafiq olaraq təsnifləşdirməkdən ibarətdir.
3. Məqsədlər üzrə istehsalçıların xərcləri təsnifatı - MİXT və məqsədlər üzrə digər təsnifatlar təhlildə iki müxtəlif rol oynayırlar. Birinci rol xərclərin sektorlar arası təhlilinin, ikincisi isə sektordaxili təhlilinin təmin edilməsindən ibarətdir. Birinci halda məqsədlər üzrə təsnifatlar köməkçi təhlillərin müxtəlif növlərinin həyata keçirilməsi zamanı istifadə edilir və yalnız iqtisadi siyasət məsələlərinin həll edilməsində əsas rol oynayan kapitallaşdırılmamış cari əməliyyat xərclərinə tətbiq edilir.
4. Dünya Ölkələri Təsnifatı – Bu təsnifat Birləşmiş Millətlər Təşkilatının Katibliyinin Statistika Şöbəsi tərəfindən hazırlanmış və 1970-ci ildə nəşr olunmuş Birləşmiş Millətlər Təşkilatı ölkələrinin Standart kodlarının (Seriya M, N49) yenidən baxılmış dördüncü variantı əsasında hazırlanmışdır. Təsnifatda ölkə və rayonların adları əlifba sırası ilə verilmiş, BMT Katibliyinin Statistika şöbəsi tərəfindən statistik məqsədlər üçün istifadə edilən üçrəqəmli rəqəm kodları, Beynəlxalq standartlaşdırma təşkilatı (BST) tərəfindən verilmiş iki və üç hərfdən ibarət olan kodlar və ölkə və rayonların adının qısaldılmış formaları Statistika şöbəsi tərəfindən istifadə edilən 12-işarəli qısaltmalar şəklində göstərilmişdir.
Məşğulluq Təsnifatı – Məşğulluq Təsnifatı (MT) özündə sistemləşdirilmiş əmək fəaliyyəti növlərinin siyahısını cəmləşdirir. Bu siyahı statistik müqayisələrin, uçot və təhlillərin aparılmasında böyük rol oynayır. Məşğulluq Təsnifatı (MT) sosial - əmək münasibətlərinin nizamlanmasına toxunan və işçi qüvvəsinin strukturunun dəyişmə vəziyyətinin və dinamikasının qiymətləndirilməsi ilə bağlı, məşğulluq və peşəkar təhsil sahəsində göstəricilərin təhlili və proqnozları ilə bağlı geniş dairəli məsələləri həll etmək üçün nəzərdə tutulmuşdur.
Bina və Qurğuların Funksional Təyinat Üzrə Təsnifatı – Avropa Birliyinin statistika idarəsi tərəfindən qəbul edilən “Tikinti təsnifatı” (CC) əsasında işlənib hazırlanmışdır. Təsnifat əsasən Azərbaycan Respublikası Dövlət Statistika Komitəsinin müvafiq şöbələri və tikinti - quraşdırma işləri ilə məşğul olan müəssisə və təşkilatların xidməti istifadəsi üçün nəzərdə tutulmuşdur.
Ölçü Vahidlərinin Təsnifatı – Ölçü Vahidləri Təsnifatının əsas məqsədi dövlət uçotu və hesabatlarının tətbiqi, iqtisadiyyatın inkişafının təhlili və proqnozlaşdırılması, beynəlxalq statistik müqayisələrin təminatı, daxili və xarici ticarətin həyata keçirilməsi, xarici iqtisadi fəaliyyətin dövlət tərəfindən nizamlanması və gömrük nəzarətinin təşkil edilməsində texniki – iqtisadi və sosial göstəricilərin sayla qiymətləndirilməsi məsələlərinin həllindən ibarətdir. Ölçü Vahidləri Təsnifatının obyekti kimi hər hansı fəaliyyət sferasında istifadə olunan ölçü vahidləri hesab edilir.
İqtisadiyyat Sektorları Təsnifatı – Bazar iqtisadiyyatı şəraitində milli gəlirin hesablanması Milli hesablar sistemi üzərində qurulub. Milli hesablar iqtisadiyyatı təşkil edən təsərrüfat subyektlərinin əsas funksiyaları, onların gəlirləri və ehtiyatlarının əsas mənbələri baxımından beş qrupda birləşdirilib. Bu qruplar milli iqtisadiyyatın sektorları adlanır.
Mülkiyyət Formaları Təsnifatı – “Mülkiyyət növlərinin statistik təsnifatı” 12 noyabr 1995-ci ildə qəbul edilmiş Azərbaycan Respublikası Konstitusiyasının müvafiq maddələrinə istinad edilərək hazırlanmışdır. Özündə mülkiyyət formalarını birləşdirir. Statistik baximdan əsasən hüquqi və fiziki şəxslərin mülkiyyətinin aydınlaşdırılmasında böyük rol oynayır.
Təşkilati Hüquqi Formalar Təsnifatı – Mülki Məcəlləyə müvafiq olaraq işlənib hazırlanmışdır. Statistik baximdan əsasən hüquqi və fiziki şəxslərin mülkiyyətinin aydınlaşdırılmasında böyük rol oynayır.
İnzibati Ərazi Bölgüsü Təsnifatı – Təsnifatın hazırlanmasında əsas məqsəd son illər Azərbaycan Respublikasının inzibati ərazi bölgüsündə baş vermiş qanuni dəyişikliklərin nəzərə alınması və İnzibati - ərazi bölgüsü təsnifatının aktuallaşdırılmasıdır. Azərbaycan Respublikasının inzibati ərazi bölgüsünü hüdudlarında dövlət hakimiyyəti orqanlarının yaradıldığı inzibati ərazi dairələri təşkil edir.
Nəqliyyat Statistikası üçün Yük Təsnifatı - əsas etibarilə Avropa İqtisadi Birliyinin xarici ticarətlə bağlı təsnifatına (NİMEXE) əsaslanaraq hazırlanmışdır. Eyni zamanda o, Avropada nəqliyyat statistikası üçün Əmtəə təsnifatı (CSTE), Malların təsviri və kodlaşdırılmasının Harmonik Sistemi (HS), Standart Beynəlxalq Ticarət Təsnifatı (SİTC), Gömrük tarifi təsnifatı (CCT) ilə əlaqəli hazırlanmışdır.
Azərbaycanın Milli Təhsil Təsnifatı – Bu nəşrin məqsədi, ölkənin təhsil sistemində milli tədris proqramlarının bölgüsünün YUNESCO-nun Təhsilin Beynəlxalq Standart Təsnifatının (İSCED 97) dərəcə və sahələri üzrə aparılmasından ibarətdir.
Dövlət Hakimiyyəti Orqanlarının və İdarəetmə Hüquqlu Təşkilatların Statistik Təsnifatı (siyahısı) – Dövlət hakimiyyəti orqanlarının və idarəetmə hüquqlu təşkilatların statistik təsnifatı (siyahısı) (DHOİHTST(S)) texniki-iqtisadi və sosial məlumatların vahid təsnifləşdirmə və kodlaşdırma sisteminə daxildir. Yerli özünüidarəetmə orqanlarının qarşılıqlı iqtisadi əməkdaşlıq üçün yaradılmış könüllü birlikləri (assosiasiyalar), ictimai birliklər və dini qurumlar, beynəlxalq təşkilatlar və onların Azərbaycandakı qurumları da bu təsnifatda yer tapmışdır. Bu obyektlər Azərbaycan Respublikasının dövlət hakimiyyəti orqanları olmasalar da, təsnifata daxil edilmişlər.
Kənd Təsərrüfatı, Ovçuluq, Balıqçılıq və Meşə Təsərrüfatı Məhsullarının Statistik Təsnifatı (Siyahısı) – Özündə bütün kənd təsərrüfatı, ovçuluq, balıqçılıq və meşə təsərrüfatı məhsullarının adını, kodunu və ölçü vahidlərini birləşdirir. Bundan əlavə, beynəlxalq məlumat mübadiləsini maneəsiz həyata keçirmək üçün BMT-nin Əsas Məhsul Növləri Təsnifatının (CPC) və harmonlaşdırılmış sistemin (HS) kodlarına keçidlər də göstərilmişdir.
Valyutalar təsnifatı - Təsnifatda beynəlxalq valyuta termini barədə əsaslı məlumatlar toplanmışdır. Valyutalar təsnifatının bu nəşri özündə Valyuta və valyuta sərvətləri, Valyutaların təsnifləşməsi, Azərbaycan manatı və Valyutaların siyahısı kimi dörd əsas xətti birləşdirir və hər dörd bölmə haqqında istifadəçiyə ətraflı məlumat çatdırılır. Valyutaların təsnifləşməsi bölməsi öz növbəsində mənsub olma prinsipi, tətbiq etmə dairəsi və rejimi, valyutaların funksional rolu üzrə təsnifləşmə metodlarını izah edir.
Məhsulun (mal və xidmətin) statistik təsnifatına izahlar - Bu sənəd məhsulun (mal və xidmətlərin) təsnifləşdirilməsində bu və ya digər səbəblər üzündən hər hansı bir çətinlik yarandıqda onun xüsusiyyətlərinə görə məhsulun (mal və xidmətlərin) mövqeyini müəyyənləşdirmək məqsədilə Məhsul Növləri Təsnifatının ikinci versiyasına (2003-cü il nəşri) əlavə material kimi hazırlanmışdır.
1-ci cild - Məhsulun (mal və xidmətin) statistik təsnifatına izahların 1-cildində kənd təsərrüfatı; ov və meşə təsərrüfatı; balıq məhsulları; mədənçıxarma sənayesi məhsulları və karxana hasilatı məhsulları; emal sənayesi; yeyinti məhsulları, içkilər və tütün məhsulları; toxuculuq və toxuculuq məmulatları; dəri və dəridən hazırlanan məmulatların izahı öz əksini tapmışdır.
2-ci cild - Məhsulun (mal və xidmətin) statistik təsnifatına izahların 2-cildində ağac və ağacdan məmulatların, sellüloz kağız və kağızdan məmulatların, informasiya daşıyıcılarının, poliqrafiya xidmətlərinin, kimyəvi maddələrin, kimyəvi məhsulların və kimyəvi liflərin, rezin və plastik kütlə məmulatlarının izahı verilmişdir.
3-cü cild - Məhsulun (mal və xidmətin) statistik təsnifatına izahların 3-cü cildində sair qeyri-metal mineral məmulatların, şüşə və şüşədən hazırlanmış məmulatların, təbəqə şüşənin, formalaşdırılmış və emal edilmiş təbəqə şüşələrin, içiboş şüşələrin, şüşə lifinin, texniki şüşə məmulatı da daxil edilməklə sair şüşə məmulatlarının, əsas metallar və hazır metal məmulatlarının, çuqun, polad və ferroərintilərin, boruların izahı öz əksini tapmışdır.
4-cü cild - Məhsulun (mal və xidmətin) statistik təsnifatına izahların 4-cü cildində elektrik və optik avadanlıqlar, tibb cihazları və alətləri, dəqiq və optika cihazları, qol saatları və sair saatlar, nəqliyyat avadanlıqları, sair nəqliyyat vasitələri, mebel, topdan və pərakəndə satış xidmətləri; avtomobil, motosiklet, şəxsi istifadə əşyaları və məişət mallarının təmiri üzrə xidmətlər, mehmanxana və restoranların xidmətləri, quru yol nəqliyyatı və boru kəməri ilə daşınma xidmətləri, poçt və elektrik rabitəsi xidmətləri, maliyyə fəaliyyəti üzrə xidmətlər, daşınmaz əmlakla əlaqədar xidmətlər, kompüter xidmətləri və onlarla əlaqədar xidmətlər, tədqiqatlar və işləmələr sahəsində xidmətlər, təhsil sahəsində xidmətlər, səhiyyə və əhaliyə sosial xidmət sahəsində xidmətlər, digər kommunal, sosial və fərdi (şəxsi) xidmətlər, istirahətin, mədəniyyət və idman tədbirlərinin təşkili üzrə xidmətlər, ev təsərrüfatları üzrə xidmətlər haqqında məlumatlar verilmişdir.

STATİSTİK  BÜLLETENLƏR *

1 Sənayenin işinin əsas göstəriciləri
(kiçik sahibkarlıq subyektləri istisna olmaqla) 		aylıq
2 Sənayenin işinin əsas göstəriciləri
- I bölmə - bütün sənaye müəssisələri
- II bölmə - kiçik sahibkarlıq subyektləri
- III bölmə - xarici və birgə sənaye müəssisələri 		rüblük
3 Kiçik müəssisələrin işinin əsas göstəriciləri illik
4 Xarici və müştərək müəssisələrin işinin əsas göstəriciləri illik
5 Azərbaycan Respublikasında mal-qaranın və quşların mövcudluğu haqqında illik
6 Azərbaycan Respublikasında mal-qaranın mövcudluğu haqqında rüblük
7 Azərbaycan Respublikasında kənd təsərrüfatı bitkilərinin əkin sahəsi, məhsul yığımı və məhsuldarlığı haqqında illik
8 Azərbaycan Respublikası üzrə cari ilin məhsulu üçün olan əkinlərin yekunu haqqında illik
9 Azərbaycan Respublikası üzrə yazlıq bitkilərin səpini haqqənda aylıq, fevral-iyun aylarında
10 Azərbaycan Respublikasında kənd təsərrüfatı məhsullarının yığımı haqqında aylıq, iyun-noyabr aylarında
11 Azərbaycanda meşəçilik, balıqçılıq və ovçuluq təsərrüfatları illik
12 Tikinti müəssisələrinin əsas göstəriciləri aylıq, illik
13 Obyektlərin istifadəyə verilməsi və əsas kapitala yönəldilmiş investisiyadan istifadə edilməsi aylıq
14 Şəhər və rayonlar üzrə tikintinin əsas göstəriciləri rüblük
15 Tikintinin əsas göstəriciləri illik
16 Kommunal təsərrüfatı müəssisələrinin işinin əsas göstəriciləri illik
17 Yaşayış fondu illik
18 Mənzil şəraitinin yaxşılaşdırılması üzrə əsas göstəricilər illik
19 Mənzil fondunun özəlləşdirilməsi aylıq
20 Ölkə ərazisində tikintinin aparılmasına verilmiş icazələr haqqında rüblük
21 Azərbaycan Respublikasında nəqliyyat və rabitənin işinin əsas göstəriciləri aylıq, rüblük
22 Avtomobil nəqliyyatının mövcudluğu və işi haqqında illik
23 Qiymətlər və qiymət indeksləri aylıq
24 Sənaye sahələrində qiymətlərin səviyyəsi və dinamikası aylıq
25 Kənd təsərrüfatı məhsullarının istehsalçı qiymətlərinin səviyyəsi və dinamikası aylıq
26 Azərbaycanda cinayətkarlıq haqqında yarımillik, illik
27 Azərbaycanda məhkumetmə haqqında yarımillik, illik
28 Prokurorluq orqanlarının işi haqqında yarımillik, illik
29 Təhsil və daimi məktəbəqədər müəssisələrin əsas göstəriciləri illik
30 Mədəniyyətin əsas göstəriciləri illik
31 Yerinə yetirilən elmi-texniki işlər üzrə əsas göstəricilər illik
32 Aspirantura və doktoranturanın işi haqqında illik
33 Azərbaycanın əhalisi illik
34 Səhiyyə və sosial təminatın əsas göstəriciləri illik
35 Təbii ehtiyatların mühafizəsi və səmərəli istifadəsinin yerinə yetirilməsi tədbirlərinin əsas göstəriciləri illik
36 Təhlükəli tullantılar haqqında illik
37 Yanacağın hərəkətı yarımillik, illik
38 Elektrik və istilik enerjisinin məsrəfı yarımillik, illik
39 Dövlət büdcəsindən maliyyələşdirilən istehlakçıların istifadə etdikləri elektrik və istilik enerjisi, təbii gaz, su və rabitə xidmətləri rüblük
40 Cihaz, avadanlıq və sair məmulatların tərkibində, habelə qırıntı halında olan qiymətli metalların qalığı, daxil olması və işlənməsi yarımillik, illik
41 Təkrar xammalların istifadəsi yarımillik,illik
42 Qara və əlvan metal qırıntılarının (tullantılarının) əmələ gəlməsi və istifadəsi illik
43 Azərbaycanın xarici ticarət əlaqələri aylıq
44 Ticarətin əsas göstəriciləri (iri və orta təşkilatlar üzrə) aylıq
45 Ticarətin əsas göstəriciləri (iri və kiçik müəssisələr üzrə) rüblük
46 Azərbaycan Respublikasında turizm müəssisələrinin fəaliyyəti haqqında yarımillik, illik
47 Mehmanxanaların fəaliyyətinə dair əsas göstəricilər yarımillik, illik
48 İri və orta müəssisələrin maliyyə fəaliyyətinin əsas göstəriciləri rüblük, illik
49 Regionlar üzrə iri və orta müəssisələrin maliyyə fəaliyyətinin əsas göstəriciləri illik
50 Yerli özünüidarəetmə orqanlarının (bələdiyyələrin) büdcələrinin icrası rüblük, illik
* Yalnız Azərbaycan dilində nəşr olunur.

© Azərbaycan Respublikasının Dövlət Statistika Komitəsi