|
Azərbaycan Respublikası
Dövlət Statistika Komitəsinin
06 dekabr 2002-cü il tarixli 2/43 saylı
saylı qərarı ilə təsdiq edilmişdir.
1-BB №-li "Yerli özünüidarəetmə (bələdiyyə) orqanının büdcəsinin icrasına dair" hesabatın tərtib edilməsinə dair
GÖSTƏRİŞLƏR
Ümumi müddəalar.
1. Bu Göstərişlər “Azərbaycan Respublikasının Konstitutsiyası”na, Azərbaycan Respublikası Vergi Məcəlləsi”nə, “Büdcə sistemi haqqında”, ”Bələdiyyələrin statusu haqqında”, “Bələdiyyələrin maliyyəsinin əsasları haqqında”, “Yerli (bələdiyyə) vergilər və ödənişlər haqqında” Azərbaycan Respublikasının Qanunlarına və digər qanunvericilik aktlarına uyğun olaraq hazırlanmışdır.
2. Bu Göstərişlər 1-BB № “Yerli özünüidarəetmə (bələdiyyə) orqanının büdcəsinin icrasına dair hesabat” formasında, hesabat dövrü ərzində (rüblük, illik) yerli büdcə üzrə gəlirlərin, xərclərin və nəticələrin əks etdirilməsini müəyyən edir.
3. Göstərişlər bütün yerli özünüidarəetmə (bələdiyyə) orqanlarına şamil edilir.
4. Hesabat formasının 1-ci sütununda yerli özünüidarəetmə (bələdiyyə) orqanının büdcəsi üçün xalis hesabat rübü üzrə proqnozlaşdırılmış gəlirlərin və xərclərin məbləğləri göstərilir.
5. 2-ci sütunda xalis hesabat rübündə yerli özünüidarəetmə (bələdiyyə) orqanlarının büdcələrinin (gəlirlərin və xərclərin) faktiki icrası barədə məlumatlar əks etdirilir.
6. 3-cü sütunda bələdiyyənin yerli büdcəsinin ilin əvvəlindən olan hesabat dövrü üçün təsdiq olunmuş gəlir və xərclərinin proqnozunun məbləği göstərilir.
7. Hesabat formasının 4-cü sütununda bələdiyyənin büdcəsinin ilin əvvəlindən icra olunmuş gəlir və xərclərin məbləğləri göstərilir.
I Bölmə. Gəlirlər.
Bu bölməyə qanunverciliklə nəzərdə tutulmuş bütün növ gəlirlər, müvafiq vergilər, ödənişlər, rüsumlar, dövlət büdcəsindən verilən dotasiya və subvensiyalar, özəlləşmədən daxilolmalar, maliyyə yardımları və qrantlar, tədbirlərin həyata kecirilməsi ücün maliyyə vəsaiti, bələdiyyə mülkiyyətinin və torpaqların icarəyə verilməsindən daxil olan ödənişlər, bələdiyənin xüsusi ayırdığı torpaq sahəsində səyyar ticarət, ictimai iaşə xidmətlərinə görə ödənişlər, mehmanxana və nəqliyyat vergiləri və digərləri daxildir.
Yerli büdcənin gəlirləri (01-ci sətir) 02, 13 və 22-сi sətirlərin cəmini özündə əks etdirir. Bələdiyyələrin büdcələrinin gəlirləri vergilər üzrə daxilolmalardan, vergi olmayan gəlirlərdən, fiziki və hüquqi şəxslərin, habelə beynəlxalq təşkilatların maliyyə yardımlarından, dövlət büdcəsindən verilən dotasiya və subvensiyalardan ibarətdir.
02-ci sətirdə yerli vergilərin tərkibinə daxil olan vergi növləri üzrə daxilolmaların, yəni yerli əhəmiyyətli vergilərin ümumi məbləğı daxil etdirilir. Bu sətirdə qeyd olunan məbləğ 03-012-ci sətirlərdə göstərilən məbləğlərin cəminə bərabər olmalıdır.
03-cü sətirdə yerli fiziki şəxslərdən torpaq vergisi, 04-cü sətirdə isə fiziki şəxslərdən yığılıb əldə edilən əmlak vergisinin məbləği göstərilir.
05-ci sətirdə yerli əhəmiyyətli tikinti materialları, o cümlədən kərpic – keramit gilləri, tikinti qumları, yuksək möhkəmliyə malik olan çınqıl xammalı üzrə mədən vergisindən daxilolmaların məbləği göstərilir.
06-cı sətırdə bələdiyyə mülkiyyətində olan hüquqi şəxslərin – müəssisə və təşkilatların mənfəətindən tutulan vergi üzrə daxil olan vəsaitlərin məbləği göstərilir.
07-ci sətirdə bələdiyyə mülkiyyətində olan torpaqlarda, binalarda və digər obyektlərdə kücə (divar) reklamlarının yerləşdirilməsi ücün ödənişlər üzrə daxilolmaların məbləği əks etdirilir.
08-ci sətirdə bələdiyyələr tərəfindən xüsusi ayrılmış torpaq sahələrində həyata keçirilən stasionar və ya səyyar ticarət, ictimai iaşə və digər xidmətlərə görə ödənişlərin məbləği göstərilir.
09-cu sətirdə bələdiyyə ərazisində mehmanxana, sanatoriya – kurort və turizm xidmətləri göstərən şəxslərdən alınmış rüsumların məbləği göstərilir.
10-cu sətirdə bələdiyyə ərazisində hüquqi və fiziki şəxslərə məxsus olan ixtisaslaşdırılmış avtomobil dayanacaqları və ya bələdiyələrin qərarına əsasən müəyyən edilmiş yerlərdə bütün növ nəqliyyat vasitələrinin daimi və ya müvəqqəti dayanacaqlarında hər bir nəqliyyat vasitəsi üçün ödənilmiş rüsumların məbləği göstərilir.
11-ci sətirdə bələdiyyələr tərəfindən müəyyən fəaliyyət və ya iş, xidmət üçün verilmiş lisenziyalar üzrə bələdiyyənin yerli büdcəsinə daxil olmuş vəsaitlər göstərilir.
12-ci sətirdə bələdiyyənin sərəncamında və ya öhdəsində olan obyektlərdə sosial-mədəni tədbirlərin keçirilməsindən əldə edilmiş vəsaitdən tutulmuş vergilərin və mənzil fondunun saxlanılması üçün istifadəçi və mülkiyyətçilərdən alınan istismar yiğımının məbləği göstərilir.
13-cü sətirdə 14+15+16+19+20+21-ci sətirlərin cəmi – vergi olmayan digər daxilolmalar hesabına gəlirlərin ümumi məbləği göstərilir.
14-cü sətirdə bələdiyyə mülkiyyətində olan əmlakın müəyyən dövrdə istifadəsindən gələn gəlirlərin məbləği göstərilir.
15-ci sətirdə bələdiyyə tərəfindən təsərrüfat fəaliyyəti və qanunvericiliklə qadağan edilməmiş başqa fəaliyyətlə məşğul olmaq üçün yaradılmış (təsis edilmiş) müəssisələrin və bələdiyyələrin bütün vergilər və digər mütləq ödəmələrin ödənilməsindən sonra sərəncamlarında qalan mənfəətin məbləği göstərilir.
16-cı sətirdə (17 və 18-ci sətirlərin cəmi) – Azərbaycan Respublikasının qanunvericiliyinə uyğun olaraq bələdiyyə mülkiyyətinin özəlləşdirilməsindən, istifadəyə və icarəyə verilməsindən daxil olan gəlirlərin məbləği göstərilir.
19-cu sətirdə fiziki və hüquqi şəxslər tərəfindən bələdiyyələrə verilmiş maliyyə yardımlarının məbləği göstərilir.
20-ci sətirdə beynəlxalq təşkilatlar və fondlardan alınmış maliyyə yardımlarının və qrantların məbləği göstərilir.
21-ci sətirdə Azərbaycan Respublikası dövlət büdcəsindən gəlirləri xərclərini ödəməyən bələdiyyələrə verilən dotasiya və subvensiyaların məbləği göstərilir.
22-ci sətirdə bələdiyyələrin fəaliyyətindən əldə edilən digər gəlirlərin məbləği göstərilir.
II Bölmə – Xərclər.
Bu bölmədə bələdiyyələrin yerli büdcələrin xərclərinin həcmi və istiqamətləri müəyyənləşdirilir. Bələdiyyənin idarəetmə xərcləri, sosial – məişət, mədəniyyət və idman obyektlərinin və əhalinin ümumi istifadəsində olan küçə, həyət və bağların saxlanması xərcləri bələdiyyənin müəyyən etdiyi xərc normativləri əsasında formalaşdırılır Dövlət büdcəsindən dotasiya alan bələdiyyələrin xərcləri bu normativlərdən artıq ola bilməz.
23-сü sətirdə (24-38-ci sətirlərin cəmi) yerli büdcənin xərclərinin ümumi məbləği göstərilir.
24-cü sətirdə yerli idarəetmə organlarının saxlanmasına çəkilən xərclərin məbləği göstərilir.
25-ci sətirdə təhsil xərclərinin, 26-cı sətirdə səhiyyə xərclərinin, 27-ci sətirdə mədəniyyət, incəsənət və kütləvi informasiya xərclərinin, 28-ci sətirdə isə bədən tərbiyəsi və idman xərclərinin məbləğləri göstərilir.
29-cu sətirdə bələdiyyə mülkiyyətinə və ya yerli idarəetmə orqanlarına daxil olan digər təşkilatlarının təşkil edilməsi, inkişafı və saxlanılmasına çəkilmiş xərclərin məbləği göstərilir.
30-cu sətirdə bələdiyyə orqanlarının ərazisində ictimai qaydaların və əsayişin mühafizəsi üzrə çəkilən xərclərin məbləği göstərilir.
31-ci sətirdə bələdiyyə mənzil-kommunal təsərrufatının təşkil edilməsinə, inkişafına və saxlanılmasına çəkilən xərclərin məbləği göstərilir.
32-ci sətirdə bələdiyyə ərazisində olan yolların tikintisinə və saxlanılmasına çəkilən xərclərin məbləği göstərilir.
33-cü sətirdə bələdiyyənin təşkil olunduğu ərazidə ətraf mühitin qorunmasına və mühafizəsinə çəkilən xərclərin məbləği göstərilir.
34-cü sətirdə bələdiyyənin götürdüyü öhdəliklər və ya bağladığı müqavilələr hesabına yaranan borcun ödənilməsinə çəkilən xərclərin məbləği göstərilir.
35-ci sətirdə sənaye, tikinti, kənd təssərüfatı, avtomobil və su (çay) nəqliyyatı, rabitə və yol təsərrufatı sahələrinə, metropolitenə dövlət vəsaitləri hesabına çəkilən xərclərin məbləği göstərilir.
36-cı sətirdə elektrik və istilik enerjisi, gaz, nəqliyyat, su və kürəbənd (kanalizasiya) təsərrüfatı sahələrinin itən gəlirləri üzrə ödənişlərin məbləği göstərilir.
37-ci sətirdə mülki müdafiə obyektlərinin saxlanılması və yanğın təhlükəsinin qarşısının alınmasının təmin edilməsinə çəkilən xərclərin məbləği göstərilir.
38-ci sətirdə digər sahələr üzrə göstərilən xidmətlərlə bağlı xərclərin (bələdiyyələrin əhalinin aztəminatlı təbəqələrinə göstərdiyi sosial yardımlar, alınmış dərman, sarğı materialları və s.) məbləği göstərilir.
39-cu sətirdə yerli büdcənin xərclərinin öz gəlirləri ilə təmin olunmayan hissəsi olan kəsirr (-) və ya yerli büdcə gəlirlərinin büdcə xərclərindən artıq hissəsi olan profisitin (+) məbləğləri göstərilir.
40-cı sətirdə kəsirin aradan qaldırılması ilə bağlı daxilolmaların məbləği göstərilir.
41-ci sətirdə qiymətli kağızların satışından əldə olunan gəlirin məbləği göstərilir.
42-ci sətirdə eyni səviyyəli dövlət orqanlarından alınmış vəsaitlərin məbləği göstərilir.
43-cü sətirdə banklardan büdcə kəsirinin maliyyələşdirilməsi üçün alınan kreditlərin məbləği göstərilir.
44-cü sətirdə beynəlxalq iqtisadi təşkilatlardan cəlb olunmuş kreditlərin məbləği əks olunur.
45-ci sətirdə alınmış bank ssudalarının və avansların məbləği göstərilir.
|