Xahiş edirik, bu formanın doldurulması qaydaları ilə diqqətlə tanış olun. Əgər təlimat xarakterli məsələlərlə baglı bu və ya digər suallar meydana çıxarsa rica edirik,
438-73-51 №-li telefonla əlaqə yaradasınız.
1. Formanın təyinatı
Bu formaya başlıqda qeyd olunan müəssisələrin hesabat dövrü ərzində Azərbaycanda həyata keçirdiyi bütün əməliyyatların nəticələri daxil edilir.
2. Axtarılan məlumatlar
Bu formada nəqliyyat xidməti sahəsində tədiyə balansı əməliyyatlarına aid edilən əsas və əlavə məlumatlar qeyd olunur. Formaya Sizin müəssisə tərəfindən bilavasitə keçirilmiş işgüzar əməliyyatların nəticələri haqqında məlumatlar daxil olub. Ödəmə və gəlirləri faktiki icra və ya alınma tarixi ilə yox, müqavilə müddəti ilə göstərmək lazımdır.
3. Rezident və qeyri -rezident
Azərbaycanın xaricində yerləşən hər bir şəxs, müəssisə və ya təşkilat qeyri – rezident adlanır. Başqa ölkələrdə, o cümlədən keçmiş Sovet İttifaqı ölkələrindən əməliyyat aparan nəqliyyat müəssisələrini qeyri –rezident kimi misal göstərmək olar. Azərbaycanda daimi yaşamayan ayrı – ayrı şəxslər, o cümlədən gəmi ekipajlarının üzvləri qeyri –rezident sayılır.
Azərbaycanda fəaliyyət göstərən bütün müəssisələr, sahibi Azərbaycan vətəndaşı və ya əcnəbi olmasından asılı olmayaraq rezident hesab olunur. Vətəndaşliğından asılı olmayaraq, əsas vaxtı Azərbaycanda yaşayan şəxslər də Azərbaycan rezidentləri sayılır.
4. Xarici valyuta əməliyyatları
Bütün hesablanan əməliyyatları ABŞ dolları ilə göstərmək lazımdır. Əgər əməliyyatlar ABŞ dolları ilə yox başqa valyuta ilə aparılarsa, bu zaman məbləğləri dövri mətbuatda dərc olunan məzənnəyə görə ABŞ dollarına kecirmək lazımdır.
|